قصيدة لك جزيل التحايا والثنا والسلام , مكتوبة , للشاعر خليل الشبرمي

[عبدالله التميمي]

لــك جـزيـل التحـايـا والثـنـا والـســلام
مـن خليـل ابراهيـم النـاصـر الشبـرمـي

قطري الهويه والقبـيـلـه ســنــام
ودار جــدي سـمـيـرا ولتـمـيـم انـتـمـي

ربعي اللـي علـى الدجـال شـذرة حسـام
في صحيـح البخـاري واحمـد ومسلمـي

وباختـصـار العـبـاره لا يـطـول الـكـلام
الـجـزيـره ثـــلاث اربـاعـهـا مـحـزمــي

وما اعتقد مـن يهيـم بحـب ربعـه يـلام
كـــل حـــيٍ بـنـاسـه يـفـخـر ويحـتـمـي

الـرجـال مخـبـوره والبـلـد بـــه نـظــام
لـو سمعنـا هـديـر ولــو سمعـنـا رمــي

لطـول الارقـاب سيـف وللمناخـر خـزام
وللـكـبـود المـغـلـه خـنـجـرٍ حـضـرمـي

زان بــدع القـوافـي والطـريـق استـقـام
غـــردي يالـحـمـام ويالـغـمـام ارزمـــي

وياذلـولـي دفعـتـك بالـسـعـه والـزحــام
زرفلـي فـوق صـدر الجـاهـل ودرهـمـي

مــا يمـيـل الـشــداد ولانـفــك الـخـطـام
لـــو يـثــور الـكـتـام ودربـــك ملـغـمـي

يــا عميـلـي تـوقـع واحــذر الاصـطـدام
حيـتـك ذيلـهـا والــراس تـحـت اقـدمـي

وانتبـه لا تجـي بـيـن الفـضـا والـظـلام
ننقش من الصخر وانت اكتب بمرسمي

وموتـرك دام دربـه بيـن جـرف وعـدام
انـتـبــه لـلـرديـتـر مـــــاه لا يـحـتـمــي

وكابتن الطايره لا قلـع والاجـوا عسـام
لا تــذكــر هــبــوط الـطـايــره يـنـدمــي

كـــل شـــيٍ لـــه الله لا يهـيـنـك مـقــام
وحكمة الصمت حكمه والحكيـم ابكمـي

الآ نـــام احتـرمـهـا تحـتـرمـك الأنــــام
وان حقـرت الاوادم مـا احترمـك آدمـي

يا ابن الاجـواد جنـب عـن مـلام العـلام
لا تتـيـه البـصـيـره والـبـصـر ينـعـمـي

يا ابن الاجواد صحصح لا يطول المنام
وخـل الانـوار تـدخـل كهـفـك المظلـمـي

العـن ابليـس وابـعـد يــا بعـيـد الـمـرام
السـلامـه غنيـمـه حــظ مـــن يسـلـمـي

وبنكنـا لا بغيـت الصـرف وقـت الـدوام
نـصـرف الشـيـك بالديـنـار والدرهـمـي

ولا نـطـق الكلبـشـه دام الامــر اتـهــام
ليـن نلـقـا الدلـيـل وبصـمـة المجـرمـي

من زرع تين شوكـي ماجنـا تيـن شـام
وبكْـرٍ الـعـام جـلـدت هالسـنـه ترجـمـي

لا تـعـدى الـحـدود ولا تـعــض الـبـهـام
الله الـلــي بخـلـقـه والـعـبــاد اعـلـمــي

ادمــح الاولــه وتــروح بـــرد وســـلام
طعـنـي ابـعـد ولا تـنـبـش ولا تـردمــي

واعرف اني على العيّال شـرس انتقـام
وافـهـم اليعـربـي واتـرجــم الأعـجـمـي

تكرم ديار لاجـل عيـون يـا ابـن الكـرام
وناس من شان نـاس اتقـدّر وتحشمـي

ومــن تبـصـر تـعـلـم واللـيـالـي عـــلام
والـزمــن مـدرســه ودروس ومعـلـمـي

والمواقـف تجـارب والعـرب مـا تـضـام
كــم غشـيـمٍ فـهـم لـوكـان مــا يفهـمـي

قال انـا الذيـب الامعـط والخلايـق نعـام
وســن نـابـه وخـلـوه الـرجـال اثـرمـي

احـــذر الـعـاقـبـه والـعـاقـبـه بـالـخـتـام
تلـعـق الـدبــس والا تـجــرع العلـقـمـي

وراعــي الـديـن لامـنـه نــوى الالـتـزام
ســدده قـصـد قـصــد ودفـعــه مـقـدمـي

وكـان راسـه عنيـد وبالخـطـا مستـهـام
يضربـه بالصـفـات ويـشـرب القلـزمـي

ان حكيـنـا ندمـنـا وان سكّـتـنـا حـــرام
تـايــه الـــراي لازم يـــردع ويـلـجـمـي

ولجـمـيـع القـبـايـل بـالـفـواد احــتــرام
واحـمــد الله تـعـالـى دامـنــي مسـلـمـي

 

 

 

[عاشقة التميمي]

يعطيك الف عافية اخوى عبدالله