قصيدة في شاعر المليون للشعر مضمار , مكتوبة , للشاعر محمد بن فطيس المري

[عبدالله التميمي]

في شاعـر المليـون للشعـر مضمـار
والسابقه فـي الشـوط تظهـر بيدهـا

ومضمريـن بكـار الافكـار شعّـار
وكـل ٍ يحضـر بكرتـه فـي وعدهـا

والي تـردت لا يـدور لهـا اعـذار
معـذورة ٍ مـا دام قـد ذا جهـدهـا

واللي تعوص وتضرب الحاجـز يسـار
تشـل فـي الدنـه وترجـع بلـدهـا

وانا محضر بنـت صوغـان الافكـار
مـن حبهـا عنـدي تفحـم وحدهـا

ان جارها الله من صواديـف الاقـدار
جاتك وجـاك الجيـش كلـه بعدهـا

الله عليهـا مـن مقاريـد الانـظـار
وصلت تحسـك مـا غشاهـا زبدهـا

وتلقفوهـا بالعلـم رمـز وشـعـار
وصفـق لهـا منهـو بعينـه شهدهـا

ومرو بها تـو المنصـه كمـا الطـار
يالـي تزعفرهـا مـن الطـاس زدهـا

شبهت بالهجن الاصيـلات الاشعـار
وقصيدتـي تـراث اهلـنـا مـددهـا

أعتز به واقـف لـه جـلال وكبـار
واحة شرف يـا سعـد منهـو وردهـا

أغلا ابلنا في ماجب الضيـف والجـار
يحلـب لبنهـا قبـل يذبـح ولـدهـا

وتراثنـا مـن دونـه نبيـع الاعمـار
وبفعالـنـا روس المعـالـي صعـدهـا

واليوم ضاق الجو من كثـر الاقمـار
تبـث حقـد الـي لحقـده رصـدهـا

غزى الشعر قبل امس غازين الافكـار
قوم ٍ علـى الساحـة دفعهـا حسدهـا

تلقفوها ثم جاوا مـن كـل الاقطـار
هـذا يصبحهـا والاخـر هجـدهـا

هذا يحـرف بـالأدب سـر وجهـار
وهـذاك يذبـح موهبـه فـي مهدهـا

واقفوا على ابل الشعر في وقت الاسحار
غاروا على الساحـة وعـروا جسدهـا

وصاحت بعد ما شافت ان سترها طار
و وقف ولـد زايـد محمـد سعدهـا

قال ابشـري بالستـر وبـردة الثـار
واضفـا عليهـا سترهـا مـا نشدهـا

واستـل سيـف ٍ فالمواجيـب بتـار
واطلب ورد البـل علـى مـن فقدهـا

على خطى زايـد خطاويـه مـا بـار
والحاجـه الـي فـي خيالـه وجدهـا

اغنى العرب من شوف اكاديمي ستـار
و من شوف امر من السخافات وادهـا

شفت الشعر بستـان وابوابـه ازهـار
وقطفت مـا يسقـي مشاعـر شهدهـا

قطفتها مـن ديـرة ٍ تنبـت احـرار
مـن دار ابـو مشعـل ذراي وسندهـا

 

 

 

[ملح حالي]

في شاعـر المليـون للشعـر مضمـار
والسابقه فـي الشـوط تظهـر بيدهـا

ومضمريـن بكـار الافكـار شعّـار
وكـل ٍ يحضـر بكرتـه فـي وعدهـا

والي تـردت لا يـدور لهـا اعـذار
معـذورة ٍ مـا دام قـد ذا جهـدهـا

واللي تعوص وتضرب الحاجـز يسـار
تشـل فـي الدنـه وترجـع بلـدهـا

وانا محضر بنـت صوغـان الافكـار
مـن حبهـا عنـدي تفحـم وحدهـا

صح لسانك يابن فطيس

ويعيطك العافية عبدالله

 

 

 

[مـ ـحـ ـمـ ـد]

بن فطيس شاعر زمانه

ألف شكر لك

 

 

 

[عاشقة التميمي]

مشكور اخوى

وصح السانك ياابن فطيس


عــاشــقــة الـــتــمــيــمــي

 

 

 

[عبدالله التميمي]

يعطيكم العافية على المرور والردود

 

 

 

[دلوعه المناصير]

وتلقفوهـا بالعلـم رمـز وشـعـار
وصفـق لهـا منهـو بعينـه شهدهـا
هذا اللي عيبني في القصيده
ويوم يقول فيها
أعتز به واقـف لـه جـلال وكبـار
واحة شرف يـا سعـد منهـو وردهـا

واشهد انك معتز في القصيده
وسلامتكم

 

 

 

[عبدالله التميمي]

يعطيكم العافية على الردود والمرور

هذا اللي عيبني في القصيده

والله كل بيت احسن من الثاني

 

 

 

[زايد الضيف]

ماشالله عليه اشهد انه شاعر جزل بمعنى الكلمة ويستاهل المدح والثنا ولاهنت اخوي عبدلله عالموظوع

 

 

 

[سعودي ورافع راسي]

يقولون من ربح في السوق يمدحه .......
ذا أبن فطيس مايجي لشعراء عياااال بومتعب ولاشي من هو عشان يقول ذا الكلام على شعرائنا .....
الله يخلي كيوتل بس اللي فوزته
من قبيلتي على عيني وعلى راسي لكن يتكلم على شعراء السعودية يحترم نفسه لانه مو كفو يسب شعرائنا .....

 

 

 

[غرور]

صح لسان قايلها وتسلم يد ناقلها

مشكووور اخوي عبدالله على ما نقلته يداكـ
وانتظر جديد ابداعكـ

تحياتي لكـ
سلامو

^.^