قصيدة في الأمير سلمان بن عبدالعزيز , مكتوبة , للشاعر خليل الشبرمي التميمي

[عبدالله التميمي]

قصيدة : في الأمير سلمان بن عبدالعزيز

مــبـتـداهـا بــاســم رب الـلـعـالـمين = الله الـــلـــي عــالــمـن بـالـخـافـيـات
يـامـعـين الـلـنـاس عــونـك يـامـعين = والــهـدى لـلـحق وأسـبـاب الـنـجات
والــســلامــه يـــامــلاذ الـخـايـفـيـن = يـوم حـشر الـلناس حـافين وعـرات
مــؤمـنـيـن بــالـكـتـاب ومـوقـنـيـيـن = بـالـقدر والـبـعث مــن بـعـد الـممات
وبــعـد هـــذا عـــد مـاجـها غـشـيين = ومارهشن سود السحاب المرزمات
وعـــد مـابـالـبيت طـافـوا مـحـرمين = وغـنـت الـورقـا بــرووس الـنـايفات
يـــاســلام الله ســــلام الـمـخـلـصين = لــــلـــولات ولــلــبــلاد ولــلــدعــات
والــتــحــايــا ثـــنـــهــا لــلــطـيـبـيـن = الــرجــال أهــــل الـعـلـوم الـطـيـبات
جـيـت مــن حـايـل وانــا كـلي حـنين= لـلـريـاض الـعـاصمه رمــز الـثـبات
جـيـت مــن حـايـل وربـعـي واقـفـين = وحـمـلوني لــك سـلام ولـك وصـات
قـــل لأبــو مـتـعب تـرانـا حـاضـرين = رهــن إشــارة مـن زبـون الـوانيات
يــاولــي الــعـهـد يـــاذرب الـلـيـمين = يـاعـضـيد الـفـهـد وقــت الـمـلزمات
يـــازبــنــا يــاعــشــيـر الــغـانـمـيـن = يــاذرانــا عــــن ســمـوم الــذاريـات
جــيـت مـــع ربـعـي تـمـيم مـجـددين = لــلـولاء وقـــت الـرخـاء والـنـايبات
يــشــهــد الله لــلـسـعـود مـبـايـعـيـن = فـــي رضــا الـمـعبود رب الـكـائنات
والــوفـاء فـيـنـا لــكـم دب الـسـنـين = ثــابــت مــثــل الــجـبـال الـراسـيـات
وفـــي ولاءنـــا وانـتـمـانا صـادقـين = فــي الـسـنين الـمـاضيه والـمقبلات
وكـــلــنــا يـــاســيــدي مــتـكـاتـفـيـن = كــلـنـا ضــــد الــخــوارج والـبـغـات
والله انـــــــا مــانــهــيـد ومــانــلـيـن = لــيـن راع الـكـيـد يــربـط بـالـصفات
قـالـهـا الـمـقـدام عـــوق الـمـعـتدين = نــايـف الـضـرغـام لــطـام الـطـغـات
مــانــحـاور مــانــحـاور مـجـرمـيـن = ومــانـفـاوض مـعـتـديـن ولاجــنــات
يـــروعــون الآمــنـيـيـن الـغـافـلـين = وبــالــظـلام يــفــجـرون مـجـمـعـات
يــزهـقـون أرواح نـــاس مـسـلـمين = ويـقـتـلون صــغـار ســـن وســيـدات
يــاوطــنـا كـــــل ابــونــا صــامـديـن = يــاوطــنــا مــاعــلـيـك مــســاومـات
ويـالـريـاض الـعـاصـمه لاتـجـزعين = دونـك عـيون عـلى آمـنك سـاهرات
مـاعـلـيـنا مــــن كـــلام الـمـرجـفين = شــرذمـه شـــر وشـيـاطـين وشــات
ومـاعـلـيـنا مـــن كـــلام الـخـايـنيين = مــهـاتـرات فــــي قــنــاة مـهـاتـرات
مـاهـم أهــل إصــلاح ذولا مـفسدين = زمــــرة تــنـبـح وتــسـعـى لـلـشـتات
ســاقـطـيـن وفــاشـلـيـن وتــافـهـيـن = مــنـكـرات فــــي بــــلاد الـمـنـكـرات
ولايــظــل ويــتـبـع أبـلـيـس الـلـعـين = غـير شـخص فـيه ست من الصفات
قـــل عــرف وقــل عـلـم وقــل ديــن = وقل خوف وضعف نفس وخبث ذات
والـجـهل يـعـمي عـيـون الـمبصرين = والــفـتـن تـــررد لأمـــور مـهـلـكات
أنـتـبـه يــابـن الـوطـن خـلـك فـطـين = أحـذر أهـل الـزيف وأهـل الشايعات
والله انـــــا فــــي نــعـيـم عـايـشـيـن = فـي رغد وأمن ورخا وأحسن حيات
تـحت ظـل الـشرع والسيف السنيين = مــن حــدود طـريف لـجبال الـسرات
عــايــشـيـن مــعــززيـن مــكـرمـيـن = فـــــي وطـــنــا والـحـقـايـق بــيـنـات
نـــحــمــدالله لــــلألـــه مـــوحــديــن = والــحــدود تــقـام وتــقـام الــصـلات
والـمـساجد مــن يـسار ومـن يـمين = والـمـياة مــن الـبـحر مـثـل الـفـرات
والـــمـــدارس لــلـبـنـات ولـلـبـنـيـن = والــوظــايــف لــلـبـنـيـن ولــلـبـنـات
نــحــمـد الله مـسـلـمـين مـسـالـمـين = وفــي وطـنـا مــن جـمـيع الـجـاليات
مــطـمـئـنـيـن بــوطــنــا وآمــنــيـيـن = مـــن خـلـقـنا مـانـعـرف مـظـاهرات
مـاعـلـيـنا مــــن رعـــاع ضـايـعـين = بــالــشـوارع يــرفـعـون الــلافـتـات
ونـطـلب الله كــل وقــت وكــل حـيـن = يــنـصـر الإســــلام ويــعـز الـــولات
جـيـت مــن حـايـل وبـيـحت الـكـنيين = لـلـزعـيم الـهـيلعي وادهــا الـدهـات
قــلــتـهـا والله يــمــيــن الله يــمــيـن = كــلــمــة لـــلـــه مــــــادور هـــبـــات
وخـتـمها صـلـوا عـلـى طــه الأمـين = مــا أبـهل الـوسمي ومـاخضر نـبات

 

 

 

[عاشقة التميمي]

مشكور اخوى عبدالله على الموضوع

وصح السانك ياخليل


عــاشــقــة الـــتــمــيــمــي

 

 

 

[سالم]

كبير ياخليل

شاعر من الدرجة الأولى يصخر على البيت على هواه

ابيض وجه ياخليل

 

 

 

[الكـاسر]

السلام عليكم ورحمة الله وبركاته
القصيده كبيرة من شاعر كبير لكن لا اظن لو الزمن يرجع بخليل الحين انه بيكتب قصيده مثلها ؟؟؟؟؟؟؟؟ واسالو ابو اديب