قصيدة في الأمير عبدالعزيز بن فهد , مكتوبة , للشاعر خليل الشبرمي التميمي

[عبدالله التميمي]

قصيدة : في الأمير عبدالعزيز بن فهد

يـا سـمي الـعود مـا هـبت الـمنايا = لـيـلـة الـتـفجير بـاسـكان الـمـحيّا
جـيت مـا هـبت الـقنابل والـشظايا = والـخـطر تــوّه وطـلـق الـنار حـيّا
يـالأسد مـا هـي غـريبه هالسجايا = سـلـم ابــوك وسـلـم جـدانـك كـذيّا
جــاذبـيـنـك بـالـفـعـايل والــحـلايـا = والـشـهامة والـشـجاعة والـحميّا
يـا سـليل الـمجد يـا جـزل الـعطايا = يـا عـزيز الـنفس يـا سمح المحيّا
تـبـذل الـمـعروف فـي كـل الـنحايا = وان نـخـاك الـجود هـيّا قـلت هـيّا
لـيـن يــا شـبل الـفهد بـين الـبرايا = ذاع صـيتك واشـتهر فـوق الـثريّا
يـا عـرب ما هي سواليف وحكايا = قـلـت قــولٍ حــق وشـهـودي لـديّا
الأرامـــــل والــيـتـامـا والــونـايـا = والـمـسـاجـد بـالـسـويد ومـاربـيّـا
ذا سـمـي الـعـود زيـزوم الـسرايا = مــن حَـكَـم حـكْـمٍ لـغـيره مـا تـهيّا
من حدود طريف إلى سبت العلايا = تـحت ظـل الـشرع والـسيف نـتفيّا
مــا عـلـينا مــن خـبـيثين الـنـوايا = لـو غووا واغواهم الشيطان غيّا
والـعمار تـساق دون امـنك هدايا = بـالرياض مـن الـنسيم إلـيا العليّا
والـمـشـاعر مــا نـخـفيها عـرايـا = يــاهـل الـعـادات مــا عـنـكم كـنـيّا
حــبـكـم مـتـمـكـنن بــيـن الـحـنـايا = فــي فـؤادي يـاهل الـعارض هـنيّا
والـنـوايـا يــاهـل الـعـوجا مـطـايا = قــلـتـهـا مـــالــي ولا والله عــلـيّـا
يـشـهـدالـمـعـبود رزاق الــحـيـايـا = فـالـق الإصـبـاح خـالـق كــل شـيّا
ولـلـوطـن والله وعـــلام الـخـفـايا = مـرخـصٍ روحـي ومـا تـملك يـديّا
والـخـتام اسـلـم ودم واقـبل تـحايا = شــاعــرٍ حــيّــا وحــيّـا ثـــم حــيّـا
يـا الامير اللي ورَد حوض المنايا = لـيـلـة الـتـفجير بـاسـكان الـمـحيّا