قصيدة يا كاغد القرطاس , مكتوبة , للشاعر خليل الشبرمي التميمي

[عبدالله التميمي]

قصيدة : يا كاغد القرطاس

يـاكـاغـد الـقـرطاس خــل الــزاج = يـنـثـر شــعـوري وآخــر انـتـاجي
دام الـمـتـيم مـــوج بـوحـه هــاج = وعـسعس عـليه الـليل وانساجي
خـلّه يـفضفض لـو لِـحِقْه احـراج = وســـره تــعـدى ظَـلْـم وسـواجـي
حـندس ظـلام ارهـق فـتيل سراج = يـرجـي شـعـاع الـصـبح يـنـباجي
ودمـع الحزين ان هل هل ازواج = مـــن مـعـصـرات الــهـم ثـجـاجي
بــيّـح ســـدودي مــتـرفٍ مـغـناج = وصــفــه يــعـجّـز كـــل هــراجـي
حـلـو الـنـبا حـبّـوب طـلق حـجاج = عـــذب الـلـمـى والــخـد لـعّـاجـي
وشـمس الـنهار بـوجهه الـوهّاج = ولـيـل الـدجـى مـجـدوله الـداجـي
وخـنـجر ذيــاب وقـسـوة الـحجاج = وحـكـمة ايــاس بـطرفه الـساجي
وجــنـه ونـــار وجـلـنـار وعـــاج = ومــلـحٍ فـــرات وعــذبٍ اجـاجـي
والـقـيـروان وقــابـس وقــرطـاج = ومـهد الـذهب وعـيون الافـلاجي
والــجـمـر والــجـمّـار والـديـبـاج = بــيـن الـجـبـين وجــيـده الـعـاجي
قـلـعـة جــمـال مـحـصّنه بـابـراج = فــيـهـا يــهـاب ويــامـن الــلاجـي
وعـرش الجمال اليوسفي والتاج = حـاشـه بــلا تـصـويت واحـراجي
لــه نــوق شـوقي زرفـلن افـواج = كــلــي ظــمــا والــزيـن هــداجـي
والـعمر سـاعة والـدروب فـجاج = والله يـحـقـق مـــا رجــا الـراجـي
لـــولا الـرجـا مـاحـجوا الـحـجاج = ولافــكّــر الـمـسـجون بـافـراجـي
والــحـرب كــر وفــر واسـتـدراج = والــحــب حـــربٍ مـابـهـا نــاجـي
وش خـج قـلب فـهيد بـن مـجماج = وخــــلا خــلـيـل يــهـيـم ويـنـاجـي
الــزيــن يــذبــح يالله الــمـخـراج = وصـــدّ الـحـبـايب مــوتٍ مـفـاجي
والــوضـع مـايـحـتاج لاسـتـنـتاج = شـوفـه شـفـاي ووصـله عـلاجي
اقــول .. والا اقــول .. مـايـحتاج = احسن لي اسكت وارجع ادراجي

 

 

 

[عاشقة التميمي]

مشكور اخوى عبدالله على الموضوع

وصح السانك ياخليل


عــاشــقــة الـــتــمــيــمــي