قصيدة : في الراحل طلال الرشيد
عــم حــزنٍ عـظـيم رجـال كـل الـقبايل = وفـرحة الـعيد مـاتت مع طلال الرشيد
وحـل خـطبٍ جـلل بـرجال وجبال حايل = والـسناعيس شـمر مـن قـريب وبـعيد
أحسن الله عزاهم في عريب السلايل = مــن كـسـب كــل طـيـب وعـلـمٍ حـمـيد
مِــرثُ الـجـود كـسَاب الـثنا والـجمايل = والـنواميس والـطولات عوق العضيد
ونـسأل الـلي اليا من سٍيل مارد سايل = ونـطـلب الـواحـد الـمـعبود رب الـعبيد
جـعـله لـجـنة الـفردوس ذرب الـفعايل = بــيـن ظــل ظـلـيل وبـيـن طـلـح نـضـيد
واحسن الله عزا كل العرب والحمايل = واخ وام وحـرم وارحـام وابـنا الـفقيد
والــوزن والـقـوافي والـوفا والـنفايل = واخـوياه وفـواصل وامـسيات القصيد
والقلم والورق وطيور واف الخصايل = والـكـرم والـشجاعه والـمقال الـسديد
وانـتْ وأنـتِ وأنـا ورجـال كـل القبايل = أحـسـن الله عـزانا فـي طـلال الـرشيد