[خالد آل عبدالله]

جديد أبو أديب
في صاحب السمو الشيخ حمد بن خليفه ال ثاني

لا طلبت اطلب الله والله أبداً ما يخيب رجا طلاَّبه=يديم عزّ الأمير وينصره واعداه واعدا الوطن يدحرها
حاكم بحنكته و بحكمته وبفكر فذ وفطين ونابه =عزّ شأن الوطن وأبناء الوطن وبناه كل البلاد ابهرها
بعهده الزاهر الميمون عمّ الخير والمنعم أكرم نابه =واقتصاد البلاد ازداد والخيرات ربّ العباد أظهرها
وحنّ حمات البلاد نحمي سماءه وماءه يا سيدي وترابه=نشري الموت ونبيع الحياة ودونه الروح ما نذخرها
قلتها وادري أن الليل حالك وادري أن الرجال ذيابه =وشاعرك يا عريب الجد ذيب ويسلك من الدروب أقصرها
رحت عاني لـميدان المعاني وانتهت بعد طول مجابه =وجاك سالم وغانم والعسيرة قال سبحان من يسرها
وشالها لا اعتزى من يونس الظيم ونخى لابته و اقرابه =لعنبو راسٍ مايشوش ولابةٍ ما تذب غترها
والتميمي الى صابه من صروف الزمن والدهر ما صابه=اعتزى بآل ثاني لابةٍ ربي لـكسب الثنا صخرها
لابةٍ من سلايل قاسم الزيزوم يا ويّها من لابة =تنصر الدين وتعز الرفيق وترفعه والعدا تقهرها
لابةٍ تنطح القالات والموت الحمر ما تحسب حسابه =والزباره وكون الشقب والوجبة عبر من كبار عبرها
ويا عريب المجاني شاعرك ساقه غلا والولاء لك جابه =مصافحك يا سليل المجد مجد وجيتك عندنا ما اكبرها
وختمها يا صلاة الله على خير الملا وآله واصحابه =محمد اللي محا ظلم الجهل وبهديه وسنته نورها